პუიოლი: “რეალის” ქომაგისთვის რთულია იმის აღიარება, რომ მესი საუკეთესოა

“თუ მკითხავთ, ვინ არის მაიკლ ჯორდანი, გეტყვით, რომ ის ისტორიაში საუკეთესო კალათბურთელია. ვფიქრობ, რომ მესის იგივე სტატუსი აქვს – ყველა დროის საუკეთესო მოთამაშე. ასევე საუბრობენ იმაზე, არის თუარა მაიკლ ჯორდანი ისტორიაში საუკეთესო, ეს არის მოსაზრებები და ზოგჯერ რთულია ობიექტურობა. მადრიდის “რეალის” გულშემატკივრისთვის რთულია იმის აღიარება, რომ მესი საუკეთესოა.

ჩვენ გაგვიმართლა, რომ ის გვყავს, მაგრამ მე ნამდვილად ვამბობ, რომ კულედ ყოფნის გრძნობების მიუხედავად, არსებობს ციფრები, რომლებიც გამოგონილი არაა და რომლებიც აჩვენებს, რომ ის საუკეთესოა.

ახლა ჩვენ ამას ვუარყოფთ, მაგრამ ვიმედოვნებ, რომ მომავალში ვინმე უკეთესი გამოჩნდება. ფეხბურთისა და სპორტის მოყვარულებისთვის ეს კარგი იქნება, რადგან ჩვენ წარმოუდგენელ რაღაცებს ვნახავთ.

მივიჩნევ, რომ ეს რთულია, თუ შეუძლებელი არა, რომ ამდენი წლის განმავლობაში ასეთ დონეზე იყოს ვინმე, მაგრამ უნდა მოვიცადოთ და ახლა ლეოთი დავტკბეთ.

პირველ რიგში, მე ძალიან გამიმართლა, რომ მასთან და ამ თაობის ფეხბურთელებთან ერთად თამაში შევძელი და ეს გუნდთან ერთად მთელი გულით გავაკეთე. ძალიან ვამაყობ იმით, თუ რა გავაკეთეთ ერთად.

ჩემი კარიერის დასაწყისი რთული იყო, ვინაიდან ხუთი წელი უტიტულოდ გავატარე, მაგრამ შემდეგ ყველაფრის მოგება შევძელით და დღესდღეობით, ჩვენ ერთადერთი კლუბი ვართ, რომელმაც ერთ წელიწადში ექვსი ტიტული მოიგო.

მჯერა, რომ “ბარსელონა”, ლეოს ხელმძღვანელობით, ტიტულების მოგებას გააგრძელებს. არ ვიცი, აქვს თუ არა მას კიდევ რაიმე მისაღწევი. ეროვნულ ნაკრებში მას ჯერ კიდევ აქვს ტიტული მოსაგები.

არგენტინელი არ ვარ, მაგრამ აღფრთოვანებული ვიქნებოდი ამით, რადგანაც ის ამას იმსახურებს და ვიცი, რომ მას ამის გაკეთება ნამდვილად უნდა.

“ბარსელონაში” მან უკვე ყველა რეკორდი დაამყარა და არ ვიცი, იქნება თუ არა ვინმე მომავალში, ვინც მას კონკურენციას გაუწევს, ვინაიდან ის უმაღლეს მწვერვალზე ავიდა.”