121-ე იუბილე “ბარსელონამ” ნამდვილად წარმატებით აღნიშნა.
გუშინ “ბარსელონას” სამმა გუნდმა ითამაშა და სამივემ მოიგო. ფეხბურთის პირველმა გუნდმა “ოსასუნა” 4-0 გაანადგურა, ფუტზალის გუნდმა “მურსიას” სტუმრად 3-0 აჯობა და რაც ძალიან მნიშვნელოვანია, მოგების გემო გაიხსენა “ბარსა ბ-მაც”.
ჟოზეპ მარია ბართომეუს უცნაურ სატრანსფერო პოლიტიკას ზიანი მხოლოდ პირველი გუნდისთვის არ მიუყენებია. “ბარსა ბ-ს” მთავარ მწრთნელს, გარსია პიმიენტას სეზონის წინ ის ფეხბურთელები მიუყვანეს, რომლებიც მას არ უთხოვია. შედეგიც შესაბამისი იყო – საწყის ტურში გამარჯვების შემდეგ ზედიზედ 4 მოუგებელი თამაში და ამ 4 მატჩში გატანილი ერთადერთი გოლი.
გუშინ პიმიენტამ გადაწყვიტა აქცენტი “ლა მასიაზე” გაეკეთებინა და არა ბართმეუს მიერ ნაყიდ ფეხბურთელებზე. შედეგად, ახალგაზრდა კატალონიელებმა ლიდერთა შორის მყოფი “ლეიდა” 2-1 დაამარცხა. მასპინძელთაგან გოლები მორტიმერმა და კონრად დე ლა ფუენტემ გაიტანეს. ერთ ეპიზოდში კი ახალგაზრდა ამერიკელს შედევრამდე ძალიან ცოტა დააკლდა.
ბარსელონა ბ-ლეიდა 2-1
კონრად დე ლა ფუენტეს მომენტი
კონრადი რა კლასნია ეგეც ძალიან კარგი ბიჭი გვეზრდება სისწრაფე ტექნიკა მშვენიერი აქვს მეკარე ახლა გახდა ბუფონი რა მაგარ გოლს იტანდა უნდა მიეცეს სათამაშო დრო როტაციის დროს❤️