ანსუ ფატი და სერჟინიო დესტი “ოქროს ბიჭუნას” წოდებისთვის იბრძოლებენ

იტალიური Tuttosport იმ 20 ფეხბურთელის სიას აქვეყნებს, რომლებიც 2020 წლის “ოქროს ბიჭუნას” (Golden Boy) წოდებისთვის იბრძოლებენ. აღნიშნული ჯილდო ყოველწლიურად 21-წლამდელ მოთამაშეებს გადაეცემათ. 

წლევანდელ ოცეულში “ბარსელონას” 2 წარმომადგენელი, 17 წლის ანსუ ფატი და 19 წლის სერჟინიო დესტი მოხვდა. ფატიმ “ბარსელონას” შემადგენლობაში 36 შეხვედრაში 11 გოლი გაიტანა, მან ასევე 4 შეხვედრა ჩაატარა ესპანეთის ეროვნულ ნაკრებში (1 გოლი), დესტმა კი “აიაქსის” რიგებში 38 შეხვედრაში თავი 2 გოლითა და 6 საგოლე გადაცემით გამოიჩინა.

“ბარსელონას” მხრიდან “ოქროს ბიჭუნას” წოდება მხოლოდ ლიონელ მესიმ მოიგო, ეს კი 2005 წელს მოხდა.

ნომინირებული მოთამაშეების ოცეული:

• მიჩელ ბაკერი (“პარი-სენ ჟერმენი”)
• ედუარდო კამავინგა (“რენი”)
• ჯონათან დევიდი (“ლილი”)
• ჯეიდონ სანჩო (“ბორუსია”)
• ალფონსო დევისი (“ბაიერნი”)
• სერჟინიო დესტი (“ბარსელონა”)
• ფაბიო სილვა (“ვულვერჰემპტონი”)
• ბუკაიო საკა (“არსენალი”)
• ანსუ ფატი (“ბარსელონა”)
• ფილ ფოდენი (“სიტი”)
• რაიან გრავენბერჰი (“აიაქსი”)
• მეისონ გრინვუდი (“მანჩესტერ იუნაიტედი”)
• ერლინგ ჰაალანდი (“ბორუსია”)
• კალუმ ჰადსონ-ოდოი (“ჩელსი”)
• დეიან კულუსევსკი (“იუვენტუსი”)
• როდრიგო (“რეალი”)
• დომინიკ სობოსლაი (“ზალცბურგი”)
• სანდრო ტონალი (“მილანი”)
• ფერან ტორესი (“სიტი”)
• ვინისიუს ჟუნიორი (“რეალი”)