“ბარსელონას” ყოფილმა მოთამაშემ, ჟერარ დეულოფეუმ, რომელიც ამჟამად ინგლისური “უოტფორდის” ღირსებას იცავს, ესპანურ პრესასთან ინტერვიუში კატალონიელთა ლეგენდებზე, ლიონელ მესიზე და რონალდინიოზე ისაუბრა.
“ჩემთვის, რონალდინიო ისტორიაში საუკეთესო ფეხბურთელია. მე შევხვდი მას, როდესაც “კამპ ნოუზე” თამაშის საყურებლად წავედი, ბრაზილიელი ჩემს წინ იჯდა, ეს გასაოცარი იყო.
ლიონელ მესიც საოცრებაა, მე ძალიან მომწონს ის. ლეოსთან ერთად 6 თვე ვთამაშობდი, ის კარგი პიროვნება და დიდებული მოთამაშეა. მესის მთელი მსოფლიო იცნობს.” – დეულოფეუს სიტყვებს Marca ციტირებს.
ჟერარ დეულოფეუ “ბარსელონაში” 2003 წელს ჩაირიცხა, რამდენიმე იჯარის შემდეგ კი კლუბი საბოლოოდ 2018 წელს დატოვა.
+1
ჩემთვისაც, არავინ და არაფერი ყოფილა ფეხბურთში რონალდინიოს თამაშზე მომხიბვლელი და მომნუსხველი აქამდე და მომავალი ვნახოთ…