სატრანსფერო ფანჯრის დასრულებამდე ძალიან ცოტა დრო რჩება და “ბარსელონა” ცდილობს არასაჭირო ფეხბურთელები მოიშოროს. მათ შორის ერთ-ერთია ჟან-კლერ ტოდიბო, რომელსაც, ბოლო დროს, “ფულემს” უკავშირებდნენ, მაგრამ ინგლისურ კლუბში გადასვლა ფეხბურთელმა იუარა.
ცოტა ხნის წინ გავრცელდა ინფორმაცია, რომ ახალგაზრდა ფრანგი ცენტრალური მცველის “ბარსელონადან” წასვლა გადაწყვეტილია, მაგრამ უცნობი იყო მისი მომდევნო გუნდი. პორტუგალიელი ჟურნალისტის, გონსალო ლოპეშის ინფორმაციით, ეს გუნდი ლისაბონის “ბენფიკაა”. მხარეები მოლაპარაკებებს აქტიურად აწარმოებენ და ტრანსფერი თითქმის გადაწყვეტილია.
თუ ეს ინფორმაცია გამართლდა, ტოდიბო პორტუგალიურ გუნდში ერთწლიანი იჯარით ითმაშებს. სხვა დეტალები ჯერჯერობით უცნობია.
ეს ტოდიბოც მაგარი დაქნევაა. პრემიერ ლიგაში არ მიდის და პორტუგალიაში მიდის? ფულემში უეჭველი სასტავის კაცი იქნებოდა და თავი რო წარმოეჩინა რომელიმე გრანდი უეჭველი დაითრევდა და ამან პორტუგალიაო
რით ვერ გააგდეს ბართომეო რა ტვინი წაიღეს , აღარაა გუნდი გაანადგურა ყველაფერი ფეხბურთელება ვერ ყიდიან და ტიპები უფასოდ უშვებენ,ტფუი
გრიმალდოში გაუცვალონ ბენფიკას და ფირპო გაყიდონ 🙂