“ბარსელონას” შეტევის გასაძლიერებლად კიდევ ერთი ვარიანტი გამოუჩნდა | Sport

მოგეხსენებათ, “ბარსელონა” ცენტრალური თავდამსხმელის ძიებაშია, ვაინიდან, კლუბს ლუის სუარესის გაშვება აქვს გადაწყვეტილი.

ესპანური გამოცემა Sport-ის ინფორმაციით, კატალონიელთათვის იდეალური ვარიანტი, შესაძლოა, ედინსონ კავანი იყოს, რომელიც პსჟ-ს დატოვების შემდეგ უგუნდოდაა.

გარდა ამისა, ბოლო რამდენიმე კვირის განმავლობაში, ურუგაველი “ბარსას” 2-ჯერ შესთავაზეს. წყაროს ცნობით, მიუხედავად იმისა, რომ “ნაპოლისა” და “პარი სენ-ჟერმენის” ყოფილი შემტევი საკმაოდ მაღალკვალიფიციური ფეხბურთელია, “ბლაუგრანას” ხელმძღვანელობამ მის შეძენაზე უარი განაცხადა, რადგან იგი პრიორიტეტთა შორის არ გახლდათ (სულ მცირე იმ პერიოდში). 33 წლის თავდამსხმელი ფიქრობს, რომ “ლურჯ-ბროწეულისფერებთან” მისი პოტენციური მოკლევადიანი კონტრაქტი, შესაძლოა, კუმანის გეგმებში შედიოდეს.

თუმცა, იმისდა მიუხედავად, რომ საკითხავია, ბართომეუ ძვირადღირებული ტრანსფერის გაჩარხვას რამდენად შეძლებს, კლუბის მთავარი მიზანი მაინც ლაუტარო მარტინესის შეძენაა.

რაც შეეხება ედინსონს, შეგახსენებთ, მას მადრიდის “ატლეტიკოს” აქტიურად უკავშირებდნენ, მაგრამ საბოლოოდ შეთანხმება ვერ შეგდა, შემდეგ კი იგივე “ბენფიკასთან” მიმართებით მოხდა.