ჟოან გასპარი: არ მესმის, რომ მესის წასვლა სურს, კლუბში ის ყველას უყვარს

“ბარსელონას” ყოფილი პრეზიდენტი, ჟოან გასპარი ლიონელ მესის კატალონიური კლუბიდან შესაძლო წასვლას გამოეხმაურა.

“მესის 2021 წლის 30 ივნისს წასვლა ჩემთვის ძალიან უსიამოვნო იქნება. ახლა არ ვღელავ, რადგან არავის შეუძლია გამოსასყიდის გადახდა. ახლა მას არ შეუძლია წასვლა. მესის კონტრაქტში არსებობს პუნქტი, რომელიც მას წასვლის საშუალებას აძლევს, მაგრამ მან ამის შესახებ კლუბს წინასწარ უნდა შეატყობინოს და ბოლო ვადა – ივნისია. თუ გამოსასყიდის შემცირება გვსურს, მე მირჩევნია, რომ შემდეგ წელს ის უფასოდ წავიდეს და არა ახლა. არსებობს რაღაცები, რომლებიც ფულზე მაღლა დგას და ერთ-ერთი მათგანი – ღირსებაა. ეს სიტუაცია ფიგუსთან გადავიტანე, რომელიც ღამე მოხდა და ღალატი იყო, ეს რივალდოსთანაც გავაკეთე. პრეზიდენტი რომ ვყოფილიყავი, ერთ ევროსაც არ ავიღებდი, ეს დამამცირებელი იქნებოდა. “ბარსა” უფრო მიყვარს, ვიდრე ნებისმიერი მოთამაშე. მირჩევნია უფასოდ წავიდე, ვიდრე 100 მილიონად. არ მესმის, რომ მესის წასვლა სურს. ნუთუ კლუბში მისთვის რაიმე დადებითი არ არსებობს? ყველა წევრს უყვარს ის და კლუბი მას ძალიან დაეხმარა.” – ციტირებს გასპარს Radio MARCA.

აქვე იმასაც გეტყვით, რომ სწორედ გასპარის პრეზიდენტობის დროს გააფორმა “ბარსელონამ” 2000 წელს, 13 წლის ლიონელ მესისთან პირველი კონტრაქტი.