”cadena ser”-ის ცნობით ”ბარსამ” ჯუზეპე როსისთან წინასწარი ხელშეკრულება დადო, რის შემდეგაც უფლება აქვს ”ვილიარეალთან” დაიწყოს მოლაპარაკებები მისი კატალონიაში გადაყვანისთვის. პარასკევს გაჩნდა ცნობა, რომ იტალიელმა ფეხბურთელი ”ბარსელონასთან” მომდევნო 4 წლის განმავლობაში ითანამშრომლებს, მოსაგვარებელი დარჩა მხოლოდ სატრანსფერო თანხა.
როგორც ადრე ითქვა, ”ვილიარეალი” მზადაა ფეხბურთელი 30 მილიონი ევროს ფარგლებში დათმოს. იმ შემთხვევაში, თუ ”ბლაუგარანა” რომელიმე ფეხბურთელს ჩართავს ტრანსფერში როსის ფასი დაიწევს.
ჯუზეპე როსის სახელი ბოლო კვირის განმავლობაში ხშირად უკავშირდება ”ბარსას”, როგორც გამოცემა ”SPORT”-მა გაიგო კატალონიელები სერიოზულად არიან იტალიელის შეძენით დაინტერესებული.
