“ინტერში” სჯერათ, რომ “ბარსელონა” ლაუტაროს ვერ შეიძენს

Gazzetta dello Sport-ის მიერ გავრცელებული ინფორმაციის თანახმად, “ინტერის” თავდამსხმელის, ლაუტარო მარტონესის “ბარსელონაში” გადმოსვლის შანსები მცირდება.

იტალიური წყაროს ცნობით, “ინტერი” უფრო რწმუნდება იმაში, რომ “ბლაუგრანა” 22 წლის შემტევის შეძენას მიმდინარე ზაფხულში ვერ შეძლებს. “ნერაძურში” მიიჩნევენ, რომ კატალონიურ კლუბს ლაუტაროს გაფორმებაში ხელს ფინანსური მდგომარეობა შეუშლის.

გავრცელებული ინფორმაციით, მილანურ კლუბს არგენტინელი ფეხბურთელის სანაცვლოდ გამოსასყიდი თანხა, 111 მილიონი ევრო, ან ჟუნიორ ფირპო და 85 მილიონი სურს.