რაფინია ბრწყინავს და ბარსელონას რეკორდს უახლოვდება

რაფინია “ბარსელონას” ისტორიაში მეექვსე ფეხბურთელი გახდა, რომელმაც ლა ლიგის სეზონის პირველ ოთხ ტურში გაიტანა გოლი. ბრაზილიელმა “ელჩესა” და “რაიო ვალეკანოსთან” დუბლები შეასრულა, “ბილბაოსა” და “ვალენსიას” კი თითო გოლი გაუტანა. ოთხი ტურის შემდეგ მის ანგარიშზე 6 ბურთია.

ლა ლიგის საწყის ოთხივე ტურში გოლი ლადისლაო კუბალას (1953/54), კაიეტანო რესა (1964/65) და სესკ ფაბრეგასსაც (2011/12) ჰქონდათ გატანილი. კიდევ უფრო ხანგრძლივი სერიით სესარ როდრიგესი და ზლატან იბრაჰიმოვიჩი გამოირჩნენ – მათ, შესაბამისად, 1950/51 და 2009/10 სეზონების საწყის ხუთე ტურში გაიტანეს. სესარმა ამ შეხვედრებში 8 გოლი შეაგდო.

ლიონელ მესიმ 2011/12 და 2012/13 სეზონების პირველ ოთხ შეხვედრაში გაიტანა, თუმცა ეს მატჩები სხვადასხვა ტურნირზე ჩატარდა. ორივე შემთხვევაში სერიაში “რეალ მადრიდთან” ესპანეთის სუპერ თასის შეხვედრებიც შედიოდა.

რაფინიას შემდეგი გამოწვევა “ფეიენოორდთან” მატჩია, რომელიც 9 სექტემბერს, თბილისის დროით 20:45 საათზე, “სპოტიფაი კამპ ნოუზე” გაიმართება. გოლის გატანის შემთხვევაში ბრაზილიელი “ბარსელონას” პირველი ფეხბურთელი გახდება, რომელიც სხვადასხვა ტურნირზე ჩატარებულ, სეზონის საწყის ხუთივე მატჩში გაიტანს.

ლა ლიგაზე კი რაფინიას სესარისა და იბრაჰიმოვიჩის შედეგის გამეორება “ლევანტესთან” შეეძლება. შეხვედრა 13 სექტემბერს, თბილისის დროით 18:15 საათზე, სტუმრად გაიმართება.