ჰანსი ფლიკის “ბარსელონა” სეზონს გამორჩეული შედეგიანობით იწყებს. “მესტალიაზე” “ვალენსიას” 5-0 დამარცხების შემდეგ კატალონიელებს ლა ლიგის საწყის ოთხ ტურში 17 გოლი დაუგროვდათ, რაც კლუბის ისტორიაში მესამე საუკეთესო მაჩვენებლის გამეორებაა.
Mundo Deportivo-ს ცნობით, ჩემპიონატის პირველ ოთხ შეხვედრაში “ბარსას” მეტი გოლი მხოლოდ ორჯერ ჰქონდა გატანილი: 1950/51 წლების სეზონში – 21, ხოლო 1949/50 წლების სეზონში – 19. ფლიკის გუნდმა გაიმეორა 1957/58 და 2011/12 წლების სეზონების შედეგი.
| სეზონი | გოლები პირველ ოთხ ტურში |
|---|---|
| 1950/51 | 21 |
| 1949/50 | 19 |
| 2026/27 | 17 |
| 1957/58 | 17 |
| 2011/12 | 17 |
ამჟამად “ბარსელონას” გოლების რაოდენობით ევროპის ხუთ წამყვან ჩემპიონატშიც საუკეთესო მაჩვენებელი აქვს. ფლიკის გუნდი საშუალოდ შეხვედრაში 4,25 გოლს იტანს და ლა ლიგის ერთპიროვნული ლიდერია.
ამ სტატისტიკას საინტერესო ისტორიული დეტალიც ახლავს: ჩამოთვლილი ოთხივე წინა სეზონი “ბარსელონამ” ესპანეთის ჩემპიონობის გარეშე დაასრულა. 1949/50 და 1950/51 წლებში ტიტული “ატლეტიკომ” მოიგო, ხოლო 1957/58 და 2011/12 წლებში ჩემპიონი “რეალ მადრიდი” გახდა.
ფლიკის გუნდი ახლა შეეცდება, ასეთი შედეგიანი სტარტი ჩემპიონობით დააგვირგვინოს და ლა ლიგა ზედიზედ მესამედ მოიგოს.
forum კომენტარები (0)