ზედიზედ მეოთხე მშრალად შენახული კარი

გუშინ, ლა ლიგის 30-ე ტურის შეხვედრა, “სევილიასა” და “ბარსელონას” შორის უგოლოდ, 0-0, დასრულდა. ეს იყო ზედიზედ მეოთხე მატჩი, რომელშიც კიკე სეტიენის გუნდმა გოლი არ გაუშვა.

ეს სერია პანდემიამდე დაიწყო. 7 მარტს “ბარსამ” “რეალ სოსიედადს” 1-0 სძლია. ლა ლიგის განახლების შემდეგ კი გუნდმა სამი მატჩის ჩატარება მოასწრო: “მალიორკა”, 4-0; “ლეგანესი”, 2-0; “სევილია”, 0-0. ასეთი შედეგი გუნდს ბოლოს გასული წლის აპრილში ჰქონდა: “ატლეტიკო”, 2-0; “მანჩესტერი” 1-0; “უესკა”, 0-0, “მანჩესტერი”, 3-0.

მარკ-ანდრე ტერ შტეგენმა 2019/20 წლების სეზონში კარის მშრალად შენახვა მეთოთხმეტედ შეძლო – 11 ლა ლიგაში, 2 ჩემპიონთა ლიგაზე, 1 სამეფო თასზე. მან ჩატარებულ 37 შეხვედრაში 34 გოლი გაუშვა.