აგუერომ პირდაპირი ეთერის დროს მესის შეწუხება გადაწყვიტა [ვიდეო]

სერხიო აგუერო ბოლო პერიოდში Twitch-ის პლატფორმაზე სხვადასხვა თამაშების “ლაივ სთრიმებს” საკმაოდ ხშირად იღებს.

“მანჩესტერ სიტის” არგენტინელ ფეხბურთელს მილიონამდე გამომწერი ჰყავს, რომელთა გართობის მიზნითაც, პირდაპირი ეთერის დროს, ლიონელ მესის დაურეკა.

ლიონელ მესი: რა მოგივიდა, დილით 9 საათზე რომ მირეკავ?

კუნ აგუერო: კორონავირუსის ტესტი მქონდა გასაკეთებელი.

ლიონელ მესი: და მე რატომ დამირეკე?

კუნ აგუერო: რა ვიცი, დილამშვიდობისას თქმა მინდოდა.. ტელეფონში შენი სახელი დავინახე და ვიფიქრე, “რა მაგარია”.. ცოტა მოწყენილიც ვიყავი და, რა ვიცი?!

როგორც ჩანს, “ბარსელონას” კაპიტანმა არ იცოდა, რომ მეგობართან სატელეფონო საუბარს უამრავი ადამიანი ისმენდა. აგუერომ საუბარი საკუთარ დაბადების დღეზე გადაიტანა.

კუნ აგუერო: პირველი დაბადების დღეა, რომელსაც ერთად არ ვატარებთ. 

ლიონელ მესი: ერთ ადგილას ჩაკეტილი ხარ, ვერაფერს ვიზამთ.

კუნ აგუერო: რის ჩუქებას აპირებ? 2 ივნისი ჩემი დღეა და ე.ი. არაფრის გაკეთება შემიძლია. ვნახოთ, რა მოხდება.

[media=https://www.youtube.com/watch?v=B9MubQL7Yww&feature=emb_logo]