ბუნდესლიგა განახლდა, რაც იმას ნიშნავს, რომ “ბლაუგრანას” საკუთრებაში მყოფ ფეხბურთელებზე დაკვირვება კვლავ შეგვიძლია. დღეს ჟან-კლერ ტოდიბოსა და ხუან მირანდას “შალკე”, დორტმუნდის “ბორუსიასთან” განადგურდა. გელზენკირხენელბმა 4 უპასუხო ბურთი გაუშვეს. ცალკეულად ტოდიბოსა და მირანდას თამაში განსაკუთრებით გამოსარჩევი არ იყო, თუმცა, შედარებით დეტალურად მაინც შეგვიძლია განვიხილოთ.
ტოდიბო
“შალკეს” უკანა ხაზი დღეს საშინლად გამოიყურებოდა, ტოდიბო კი სუპერგმირი არ არის, რათა “ბორუსიელთა” შეტევას მარტო გამკლავებოდა.
ფრანგმა 8-დან 5 ორთაბრძოლაში იმარჯვა, ბურთი 6-ჯერ დაკარგა და საერთო ჯამში 82%-იანი სიზუსტით, 19 პასიც გააკეთა. ჟან-კლერმა ასევე 3 წარმატებული დრიბლინგი განახორციელა. მან მოედანი პირველი ტაიმის შემდეგ დატოვა, მაშინ, როდესაც ანგარიში უკვე 2-0 იყო. როგორც მოგვიანებით გახდა ცნობილი, მან ტრავმა მიიღო. 37 წუთზე მადრიდის “რეალის” საკუთრებაში მყოფ მარჯვენა მცველთან, ჰაკიმთან, შეჯახებისას კოჭი დაიზიანა და თამაშის მეორე ტაიმში გაგრძელება ვეღარ მოახერხა.
მირანდა
ესპანელმა მოედანზე 14 წუთი გაატარა, რაც მისთვის უკვე კარგი ამბავია. როგორც გახსოვთ, ხუანის იჯარა არცთუ ისე სასიკეთოდ მიმდინარეობდა, ვინაიდან, მან პირველ წრეში მხოლოდ 295 წუთი დაჰყო მინდორზე. “დორტმუნდის” წინააღმდეგ მირანდამ 3 ზუსტი პასი შეასრულა და 1 საჰაერო ორთაბრძოლა მოიგო.
ისიც დაგეწერათ, ჰოლანდმა რო ამოსდო მუშტი მუცელში, კუთხურის დროს რო ძიძგილაობდნენ.
მაინც მადრიდელია ეს ჰაკიმი რა. ტოდიბო დავაბრუნოთ მირანდა აუთ
იმედია სერიოზული ტრამვა არ აქვს და მალე დაბრუნდება მოედანზე უნდა დავაბრუნოთ ეს ბიჭი ყველა ვარიანტში ძაან დიდი პოტენციალი აქვს და უნდა მოვხოდოთ