“პორტუს” ბრაზილიელი ნახევარმცველი, ალექს ტელესი, პსჟ-ში გადასვლას უახლოვდება, რაც ლაივინ კურზავასთვის პარიზული კლუბის დატოვებას ნიშნავს, იტყობინება Sport.
“ბარსელონა” ჟუნიორ ფირპოს არასახარბიელო ასპარეზობიდან გამომდინარე, ახალი მარცხენა მცველის ძიებაშია. ყველაზე ხშირად კი “ბარსას” ალექს ტელესსა და ლაივინ კურზავას უკავშირებენ.
გამოცემა წერს, რომ ტელესთან მოლაპარაკებებს “პარი სენ-ჟერმენი” უკვე აწარმოებს და მზადაა, 25 მილიონი ევრო გადაიხადოს, რაც “ბარსელონასთვის” ბრაზილიელისთვის ბრძოლას ართულებს. იმ შემთხვევაში, თუ ტრანსფერი შედგა, კურზავა პსჟ-სთან ხელშეკრულებას არ გაახანგრძლივებს და პარიზულ კლუბს ზაფხულში თავისუფალი აგენტის სტატუსით დატოვებს, რითაც “ბლაუგრანა” ეცდება ისარგებლოს.
გავრცელებული ინფორმაციით, გარდა “ბარსელონასი”, 28 წლის ფრანგის დამატება ლონდონის “არსენალს” სურს.
ტელესმა მიმდინარე სეზონში 40 მატჩში მიიღო მონაწილეობა, გაიტანა 10 გოლი და შეასრულა 9 საგოლე გადაცემა. “პორტუში” მასზე მეტი გოლი მხოლოდ ორ ფეხბურთელს აქვს გატანილი.
კურზავას კი ძირითად შემადგენლობაში ადგილისთვის ბრძოლა ხუან ბერნატთან უწევს. მან 23 შეხვედრა ჩაატარა, საშუალოდ 64 წუთი მატჩში. მის ანგარიშზე 1 გოლი და 2 ასისტია.
ძაან გაფუჭდა საიტი, ეს ჰალამადრიდის ნაირი სათაურები რა ჯანდაბაა?
ტელეში ბევრად სჯობს კურზავას
ძალიან კარგი უფასოდ მშვენიერ იგროკს დავითრევთ
ძაან მაგარი ბიჭია ბოადუ ერედივიზიონიდან ლამერსიც მაგრად მევასება მე