ეტო’ო მესიზე: ჩემი რჩევის წყალობით მისი კარიერა შეიცვალა

“ბარსელონას” ლეგენდარული კამერუნელი თავდამსხმელი, სამუელ ეტო’ო ყოფილ თანაგუნდელზე, ლიონელ მესიზე საუბრობს.

“თავიდან ის პირველ გუნდსა და ახალგაზრდულ გუნდს შორის ბალანსირებდა და ძალიან კარგი იყო.

მაშინ უკვე ვიცოდით, რომ მესი ერთხელაც ის გახდებოდა, ვინც ახლაა. მე ძალიან ბედნიერი ვარ, ვინაიდან მან ამას თავისი დიდი შრომით მიაღწია. ლიონელი საერთოდაც არ შეცვლილა. ის კვლავ ისეთი კარგი ადამიანია, რომელსაც მაშინ ვიცნობდი და დღემდე ვიცნობ.

არცთუ ისე დიდი ხნის წინ მან თქვა: “მადლობა სამუელს”. ჩემი რჩევის წყალობით, რომელსაც არ გავამხელ, მისი კარიერა შეიცვალა. იმ დროს მას ზოგიერთი რაღაც უნდა გამოესწორებინა, მაგრამ მას ყოველთვის ჰქონდა ეს ნიჭი. ვამაყობ და მოხარული ვარ იმ ისტორიის ხილვით, რომელიც მან დაწერა. ის დღემდე გრძელდება.

მისი მემკვიდრეობის გაგრძელება ძალიან რთული იქნება, შეუძლებელიც კი. ყველაზე მნიშვნელოვანი ჩემთვის მისი ხასიათია. ყველა აფასებს მას და აღმერთებს როგორც მოთამაშეს, მაგრამ ის არაჩვეულებრივი ბიჭია და მე ვამაყობ იმით, რომ მის სამეგობრო წრეში კვლავ ვიმყოფები.” – ციტირებს ეტო’ოს Goal.