“მოულოდნელი გმირი” – “ბარსელონელები” ანდრეს ინიესტას თბილი სიტყვებით ამკობენ

დღეს Rakuten TV-ის ეთერში ანდრეს ინიესტას დოკუმენტური ფილმის, The Unexpected Hero (მოულოდნელი გმირი) პრემიერა შედგა. ფილმი ესპანელი ლეგენდის შესახებ მოგვითხრობს და მასში “ბარსელონას” სხვა ვარსკვლავებიც მონაწილეობენ, რომლებიც ანდრესის მიმართ თბილ სიტყვებს არ იშურებენ.

გთავაზობთ ამონარიდებს:

ლიონელ მესი

“ანდრესი ნორმალური პიროვნებაა, რომელიც მუდმივად წინ მიიწევს და თავისი შეუპოვრობით დიდ სიყვარულს იღებს. ის განსაკუთრებულია როგორც ფეხბურთელი და როგორც ადამიანი. რამდენად იღბლიანი უნდა იყო, რომ ბევრი გოლი გადამწყვეტ მომენტებში გაიტანო”.

ნეიმარი

“ინიესტა ჯადოქარია, ის საუცხოო საქმეს აკეთებს. ესპანელის მსგავსი მოთამაშე აღარ დაიბადება. გვერდით ანდრესის ყოლა ბევრ რამეს აადვილებს. ვიცოდი, რომ თუ ბურთს მომაწოდებდა, წინ გაიქცეოდა, რადგან პასის დაბრუნებას ელოდებოდა”.

ჩავი ერნანდესი

“ინიესტა ყველაზე დიდებული ესპანელი ტალანტია, ვინც კი ოდესმე მინახავს”.

ტერ შტეგენი

“როდესაც კარიერის დასრულებისას მთელი მოედანი შენს ფეხქვეშ ეგება, ეს უკვე ნიშნავს, რომ განსაკუთრებული ადამიანი ხარ”.

ლუის ენრიკე

“ინიესტას ჰარი პოტერს ვეძახი. ერხელ ვუთხარი, რომ ჯადოსნური ჯოხი ჰქონდა და იმას აკეთებდა, რასაც მოისურვებდა. მას 2 თვალის ნაცვლად, 4 აქვს, რადგან ხვდებოდა, უკნიდან მოწინააღმდეგე რომელი მხრიდან უახლოვდებოდა.”

სამუელ ეტო’ო

“იცი, რომ ძალიან მიყვარხარ. არასდროს შეიცვალო, რადგან კარგი პიროვნება ხარ. ჩემთვის შენთან შეხვედრა დიდი პატივი იყო. ვიმედოვნებ, რომ ერთ დღესაც “ბარსელონას” მწვრთნელად გიხილავ. ჩვენ განსხვავებულნი ვიყავით, ის თეთრია, მე კი – შავი, თუმცა ორივეს სიგიჟე გვსურს. შეგეძლო მისთვის ბურთი ისეთი ფორმით მიგეწოდებინა, როგორითაც გინდოდა, მაგრამ საოცარი ოსტატობით იღებდა. ამგვარი კონტროლის დემონსტრირება რონალდინიოსაც კი გაუჭირდებოდა.”

ჟორდი ალბა

“ანდრესი ის მოთამაშეა, რომლისაგანაც ფეხბურთი ვისწავლე. ვაღმერთებ, როგორც პიროვნებას, რადგან ჩემგან განსხვავებით, ძალიან წყნარია.”

ჟერარ პიკე

“ანდრესი ბურთთან ერთად ცეკვავდა, ის უცებ შოუებს დგამდა და მოწინააღმდეგეებისათვის მოულოდნელ გადაწყვეტილებებს იღებდა.”