ფრენკი დე იონგი: ჩემი თავით კმაყოფილი ვარ

“ბარსელონას” Youtube-ს არხის მორიგ პირდაპირ ჩართვაში ფრენკი დე იონგის დროც დადგა. ნიჭიერი ნახევარმცველი საინტერესო კითხვებს პასუხობს.

– როგორია შენი რუტინა?
– ჯერ ვსაუზმობ, შემდეგ ძაღლს ვასერინებ და ვვარჯიშობ. “ბარსელონა” დღიურ პროგრამას მიგზავნის, მე კი განვმარტავ, თუ როგორ ვარ და დავალებებს როგორ ვასრულებ. განსაკუთრებულ დიეტას არ ვიცავ, იმაზე მეტს ვჭამ, ვიდრე აქამდე ვჭამდი და შედარებით ნაკლებს ვმოძრაობ.

– ვინ მოგენატრნენ?
– კოლეგები, მეგობრები… გამუდმებით სახლში ყოფნა არავის მოსწონს. ვიმედოვნებ, მათ მალე შევხვდები.

– გუნდელებიდან ყველაზე აქტიური ვინ არის?
– მარტინ ბრეითუეიტი. დანიელი ფიტნეს-მწვრთნელივით იქცევა, ის ძალიან ბევრს ვარჯიშობს.

– ყველაზე მეტ სერიალს ვინ უყურებს?
– სერჟი რობერტო.

– წიგნის დაწერა ვის შეუძლია?
– შესაძლოა, ტერ შტეგენს.

– სეზონის შესახებ რას იტყოდი?
– საქმე უკეთესობისაკენ იცვლებოდა. სათამაშო დრო ნელ-ნელა იზრდებოდა. არის მატჩები, სადაც ჩემს შესაძლებლობებს ვერ ვაჩვენებ, თუმცა, საბოლოო ჯამში, კმაყოფილი ვარ.

– როგორია აბდელჰაკ ნურის მდგომარეობა?
– ის რთულ მდგომარეობაშია, თუმცა მჯერა, რომ ყველაფერი გამოსწორდება.