“ბარსელონას” ფეხბურთელების დიდსულოვან გადაწყვეტილებას ლეგენდები გამოეხმაურნენ

კატალონიის “ბარსელონას” ფეხბურთელებმა დაადასტურეს რომ, კორონავირუსის გამო, ხელფასების 70%-ით შემცირებისათვის მზად არიან.

აღნიშნულის შესახებ ინფორმაცია გუნდის კაპიტანმა, ლიონელ მესიმ Instagram-ზე გამოაქვეეყნა, ცოტა ხნის შემდეგ კი იმავე განცხადება სხვა მოთამაშეებმა და თავად “ბლაუგრანამაც” გაავრცელეს.

განცხადების მიხედვით, მოთამაშეები არა მარტო თანხას შეიმცირებენ, არამედ იზრუნებენ, რომ კლუბში მომუშავე პერსონალმა ხელფასი 100%-ით მიიღოს.

“ბარსელონას” ფეხბურთელების დასაფასებელ საქციელს, ლიონელ მესის განცხადების კომენტარებში, ლეგენდები გამოეხმაურნენ.

ჩავი ერნანდესი: “ყველასაგან დიდსულოვანი ქცევა! გილოცავთ! სამაგალითოები ხართ, როგორც ყოველთვის!”

სამუელ ეტო’ო: “დიდებული გადაწყვეტილება, ბრავო, ლეოსა და მთელს გუნდს”

კარლეს პუიოლი: “ყველა თქვენგანით ვამაყობ”.