შემტევებში დახარჯული 332 მილიონი ევრო და კვლავ პრობლემა ამ პოზიციაზე

2016/17 წლების სეზონიდან მოყოლებული, “ბარსელონამ” 7 თავდამსხმელი შეიძინა და მათში 332 მილიონი ევრო გადაიხადა.

• 2016-2017: პაკო ალკასერი, 30 მილიონი ევრო;
• 2016-2017: დენის სუარესი, 3 მილიონი ევრო;
• 2017-2018: ჟერარ დეულოფეუ, 12 მილიონი ევრო;
• 2017-2018: უსმან დემბელე, 125 მილიონი ევრო;
• 2018-2019: მალკომი, 41 მილიონი ევრო;
• 2018-2019: კევინ-პრინს ბოატენგი 1 მილიონი ევრო (იჯარით);
• 2019-2020: ანტუან გრიზმანი 120 მილიონი ევრო.

შენიშვნა: ჩამონათვალში არ შედის ფილიპე კოუტინიო (145 მილიონი ევრო), რადგან ბრაზილიელის რეალური პოზიცია ნახევარმცველია, თუმცა “ბარსელონაში” ყველაზე ხშირად სწორედ მარცხენა ფლანგზე შემტევად თამაშობდა.

Tribuna-ს მიერ გამოქვეყნებული მონაცემების მიხედვით, “ბარსელონამ” ბოლო 4 წლის განმავლობაში შემტევებზე 332 მილიონი ევრო დახარჯა, 2016-17 წლების სეზონიდან მოყოლებული კლუბმა 7 ფორვარდი შეიძინა. თუმცა დღეს კატალონიელები კვლავ ამ პოზიციაზე მოთამაშე ფეხბურთელის ძიებაში არიან. აღსანიშნავია ისიც, რომ ზემოხსენებული მოთამაშეებიდან ამჟამად კლუბში მხოლოდ ორი მათგანია: უსმან დემბელე და ანტუან გრიზმანი.

თუმცა, უსმან დემბელე, ტრავმის გამო, “ბარსელონას” 6 თვით ვერ დაეხმარება. გამოჯანმრთელებულ დემბელეს მყესი გაუწყდა და მისთვის სეზონი უკვე დასრულებულია. ფრანგმა შემტევმა კლუბის მაისურით 74 მატჩში 19 გოლი გაიტანა, საერთო ჯამში კი დაზიანებების გამო 62 თამაში გამოტოვა.

პაკო ალკასერი -ალკასერმა 50 მატში 15 გოლის გატანა შეძლო. 2018 წელს კი 21 მილიონი ევროს სანაცვლოდ “დორტმუნდში” გადავიდა. ახლა ალკასერი “ვილიარეალის” შემადგენლობაში თამაშობს.

დენის სუარესი – დენისმა “ბარსელონას” მაისურით 8 გოლი გაიტანა. კატალონიელებმა იგი იჯარით “არსენალში” გაუშვეს, შემდეგ კი 12.9 მილიონი ევროს სანაცვლოდ “სელტაში” გაყიდეს.

ჟერარ დეულოფეუ – 17 თამაშში გატანილი 3 გოლი. 2017-18 წლების სეზონის მონაგარი ჟერარ დეულოფეუსთვის მხოლოდ ეს იყო. “ბარსელონამ” დეულოფეუ ჯერ იჯარით გაუშვა “უოტფორდში”, შემდეგ კი 13 მილიონ ევროდ გაყიდა.

მალკომი – მალკომმა “ბარსელონას” 24 შეხვედრაში მიიღო მონაწილეობა და 4 გოლი გაიტანა. გასულ ზაფხულში ის 40 მილიონი ევროს სანაცვლოდ “ზენიტს” შეუერთდა.

ბოატენგი – “ბარსელონაში” გატარებული 5 თვის განმავლობაში მხოლოდ 4 შეხვედრაში მიიღო მონაწილეობა.

“ბარსელონამ” უკვე გადაიხადა 31 მილიონი ევრო “ბრაგას” შემტევის, ფრანსიშკუ ტრინკაუსთვის. იგი კლუბს 2020-21 წლების სეზონზე შეუერთდება.