სუარესი ლა ლიგის თვის საუკეთესო ფეხბურთელობისთვის იბრძოლებს

დღეს ცნობილი გახდა, რომ “ბარსელონას” თავდამსხმელი ლუის სუარესი დეკემბრის თვის ლა ლიგის საუკეთესო ფეხბურთელის წოდებისთვის იბრძოლებს.

ურუგვაელ ფეხბურთელს მართლაც წარმატებული თვე ჰქონდა. “ბარსელონამ”, ჩატარებული 5 თამაშიდან 3 მოიგო და 2 ფრედ დაასრულა, სუარესმა კი, ამ 5 შეხვედრაში, თავი 3 გოლითა და 6 შედეგიანი გადაცემით გამოიჩინა.

სუარესის კონკურენტები დიეგო კარლოსი (“სევილია”) და ანხელი (“ხეტაფე”) არიან. პირველმა მათგანმა, 4 თამაშში 2 გოლი გაიტანა, ხოლო მეორემ – 3 გოლი.