ჰანსი ფლიკი: შეცდომების დაშვების უფლება არ გვაქვს

“ბარსელონას” გერმანელი მწვრთნელი შეგვახსენებს, რომ “ხეტაფე ძალიან კარგად იცავს თავს” და ლა ლიგის სეზონის ამ დასკვნით მონაკვეთში ლამინ იამალის გარეშე გუნდის სიტუაციას აანალიზებს.

2025/26 წლების სეზონის დასრულებამდე ლა ლიგაში “ბარსელონას” ექვსი “ფინალი” დარჩა. ამ მატჩებიდან პირველი შაბათს, “ხეტაფესთან” სტუმრად გაიმართება.

“ხეტაფე” ძალიან კარგად იცავს თავს, მათ საკუთარი ფილოსოფია აქვთ. თუ ლა ლიგის ბოლო 10 თამაშს შევხედავთ, ისინი სატურნირო ცხრილში მეორე ადგილზე იქნებოდნენ“,

– განაცხადა ჰანსი ფლიკმა მატჩისწინა პრესკონფერენციის დროს.

“კოლიზეუმზე” მწვრთნელი საკვანძო ფაქტორებად ორ რამეს – თამაშის ტემპსა და შეცდომებს მიიჩნევს:

“ჩვენთვის მნიშვნელოვანია თამაშის ტემპის კარნახი და შეცდომების არდაშვება, სწორედ ამის ნახვა მსურს გუნდისგან.”

ცხოვრება ლამინ იამალის გარეშე

ექვსი წელი გავიდა მას შემდეგ, რაც “ბარსელონამ” “კოლიზეუმზე” ბოლოს მოიგო. კატალონიელები შაბათს გამარჯვების მოპოვებას ლამინ იამალის გარეშე ეცდებიან, რომელმაც ტრავმა “სელტასთან” მიიღო.

“ჩვენ ამას გუნდურად უნდა გავუმკლავდეთ. ყველას მოუწევს წინ ნაბიჯის გადადგმა.”

– დაარწმუნა ყველანი ჰანსი ფლიკმა, რომელმაც კარგად იცის, თუ რას კარგავს მისი გუნდი 10 ნომრის გარეშე.

“ეს არ არის ადვილი, არც მისთვის და არც ჩვენთვის. თუმცა დავინახე, რომ ის გამოსაჯანმრთელებლად მოტივირებულია და ვფიქრობ, ის მსოფლიო ჩემპიონატზე იქნება, რაც მისთვისაც მნიშვნელოვანია”.

ბერნალისა და რაფინიას გარეშე

ფლიკმა ასევე დაადასტურა, რომ “ხეტაფესთან” არც მარკ ბერნალი და არც რაფინია იქნებიან ხელმისაწვდომნი.

“ისინი გუნდთან ერთად ჯერ კიდევ ვერ ვარჯიშობენ, მაგრამ იმედი მაქვს, მომავალ კვირას უკეთ იქნებიან.”

ფლიკმა ასევე შეაქო გავი, რომელმაც ტრავმის შემდეგ დაბრუნებიდან მოყოლებული “უზარმაზარი სამუშაო” შეასრულა.