“ხეტაფესთან” გამარჯვებით დასრულებულ მატჩში პაუ კუბარსი ერთ-ერთი საუკეთესო იყო. მატჩის შემდეგ კატალონიელმა ცენტრალურმა მცველმა ლა ლიგის ტიტულის მოპოვების შანსებზე ისაუბრა და ოპტიმისტური განწყობა დააფიქსირა.
კითხვაზე, ურჩევნია თუ არა ჩემპიონობის გაფორმება მომდევნო ტურში, თუ “რეალ მადრიდის” წინააღმდეგ, ფეხბურთელმა მკაფიო პასუხი გასცა.
ლა ლიგის მოგება რაც შეიძლება მალე გვსურს და მომდევნო მატჩში გამარჯვების მოსაპოვებლად ყველაფერს გავიღებთ.
“ბარსელონას” პირველი გოლის ეპიზოდში ახალგაზრდა მცველმა ბურთი შესანიშნავად დაიბრუნა და ამაზე დამატებითი კომენტარი გააკეთა.
ვიცოდით, რომ კონტრშეტევის წამოსაწყებად დიდი ყურადღების გამოჩენა გვმართებდა. წინ ბურთის დაბრუნება კარგად გამომივიდა. როდესაც ზურგს უკან სივრცეები რჩება, გამორჩეული მეპასეები და შესანიშნავი დაგვირგვინება გვაქვს.
კიდევ ერთი გამორჩეული მომენტი საკუთარი კარის ხაზიდან ბურთის გამოტანა იყო, რითაც კუბარსიმ გუნდი გაშვებული გოლისგან იხსნა.
დაცვაში ცოტა მეტი სიმტკიცე დაგვაკლდა, თუმცა საბოლოოდ მეტოქისთვის ხელის შეშლა მაინც მოვახერხე. არ ვიცი, ზუსტად მე გამოვიტანე თუ არა, მაგრამ ბურთი კარს აცდა. ამან ცოტა ამოსუნთქვის საშუალება მოგვცა, რათა კონტრშეტევაზე მეორე გოლი გვეძებნა.
ბოლოს, ჩემპიონობის შანსებზე საუბრისას მან აღნიშნა, რომ მიზნამდე სულ ცოტა რჩება.
ძალიან მნიშვნელოვანი მატჩი მოვიგეთ, რითაც ლა ლიგის ტიტულს კიდევ უფრო მივუახლოვდით. ახლა ერთი თამაში დაგვრჩა, სადაც მიზნის მისაღწევად და ჩემპიონობის გასაფორმებლად ყველაფერი უნდა გავიღოთ.
ეგრეც იქნება
ეს ბიჭი იქნება დიდი სახელი ფეხბურთში.
უშეცდომო არავინაა და ეს ამ ასაკში რა თავდაჯერებულობითაც თამაშობს ძაან დასაფასებელია, შესაბამისი მეწყვილე და ყველაფერი დალაგდება.
მშვენიერი ბიჭია, მე კი მიკვირს, რატომ არ მოსწონთ ეს სუყველას და რატო აკრიტიკებენ ასე ხშირად. 18 წლის ბიჭს კი არა 28 წლის ლეოსაც ჰქონდა ხანდახან ცუდი თამაშები. ლეოსთვის ცუდი თამაში კი გოლის გაუტანლობა ითვლებოდა თუნდაც გუნდს მოეგო.
ვერ ვაფასებთ ამ ბიჭს, სასწაული პოტენციალი აქვს და ეს და ბასტონი, ან უკეთესი ეს და ვუსკოვიჩი შეიძლება ვიდიჩი ფერდინანდის და მალდინი ნესტას დონის დუეტად ჩამოყალიბდეს❤️
დღეს მაგრად ითამაშა 👌🏻
ბასტონთან ერთად კაი დუო იქნებოდა