“ბარსელონას” 19 წლის ცენტრალური მცველის, ჟან-კლერ ტოდიბოს ხელში ჩასაგდებად 6 გუნდი იბრძოლებს.
ახალგაზრდა ფრანგ ფეხბურთელს დიდ მომავალს უწინასწარმეტყველებენ, მაგრამ დიდი კონკურენციის გამო, მას კატალონიურ კლუბში თავის გამოჩენის შანსი არ ეძლევა. ამის გამო, “ბლაუგრანაში” ფეხბურთელის იანვარში გაშვებას არ გამორიცხავენ. სახელდება 2 ვარიანტი – განათხოვრება, ან გაყიდვა და გამოსყიდვის უფლების დატოვება.
Mundo Deportivo-ს ინფორმაციით, ტოდიბოს დამატების სურვილს 6 კლუბი გამოთქვამს: “მონაკო”, “ევერტონი”, “მილანი”, “ბენფიკა”, “ლევერკუზენი” და “საუთჰემპტონი”. როგორც ჩანს, მანამდე დასახელებულმა “უოტფორდმა” ფეხბურთელის მიმართ ინტერესი დაკარგა.
კატლაონიური წყაროს ცნობით, ყველაზე მეტად “მილანი” აქტიურობს, მაგრამ უახლოეს მომავალში “ევერტონისა” და “მონაკოს” გააქტიურებაა მოსალოდნელი.
ახლახანს გავრცელებული ინფორმაციით, “ბარსელონამ” ფეხბურთელს, მომავალთან დაკავშირებით გადაწყვეტილების მისღებად, 15-დღიანი ვადა მისცა.
დაანებეთ თავი ამ ბიჭს არაა გასაშვები
ტოდიბო ბარსაში დარჩება!
კატლაონიური წყაროს ცნობით,
სირცხვილია… დღე არ გავა შეცდომა არ გაგეპაროთ. პატივი ეცით მომხმარებელს.