“ვანდა მეტროპოლიტანო” – მესის ახალი სამიზნე

ლა ლიგის მე-15 ტურის ცენტრალური მატჩის დაწყებამდე ორ საათზე ცოტა მეტი დარჩა. დღეს, “ვანდა მეტროპოლიტანოზე”, მადრიდის “ატლეტიკო” “ბარსელონას” დაუპირისპირდება.

მადრიდულ კლუბთან განსაკუთრებული მოგონებები აკავშირებს ლეო მესის. არგენტინელისთვის, “სევილიას” (38 თამაშში 37 გოლი), “ატლეტიკო” ყველაზე საყვარელი მეტოქეა. “როხიბლანკოს” კარში ლეოს 29 გოლი აქვს გატანილი, ამისთვის კი მას მხოლოდ 38 თამაში დასჭირდა.

ამ 29 გოლიდან 12 მადრიდში გამართულ შეხვედრებზე მოდის. თუმცა, მესის “ვანდა მეტროპოლიტანოზე” ჯერ არ გაუტანია. “ატლეტიკოს” ახალ სტადიონზე “ბარსამ” აქამდე 2-ჯერ ითამაშა და ორივე ეს შეხვედრა ერთნაირი ანგარიშით, 1-1 დასრულდა. პირველ შემთხვევაში გოლი ლუის სუარესმა გაიტანა, წინა სეზონში კი – უსმან დემბელემ.