“დორტმუნდის” ქამბექი ბუნდესლიგის აუტსაიდერთან “ბარსელონასთან” მატჩის წინ [ვიდეო]

დორტმუნდის “ბორუსიასთან” ჩემპიონთა ლიგის მნიშვნელოვანი შეხვედრის წინ, “ბარსელონამ” არც ისე დამაჯერებული მატჩი ჩაატარა, თუმცა მოწოდების სიმაღლეზე ვერც “ბლაუგრანას” მომავალი მეტოქეა. 

“ბორუსიამ” “სიგნალ იდუნა პარკზე” ბუნდესლიგის აუტსაიდერ “პადერბორნს” უმასპინძლა და პირველი ტაიმი, მოულოდნელად, 0-3 წააგო. ლუსიან ფავრის მიერ გაწვრთნილმა გუნდმა მეორე ტაიმში სამი გოლი გაიტანა, მათ შორის ერთი დამატებულ წუთებზე და ქულის გადარჩენა მოახერხა. 

[media=https://www.youtube.com/watch?v=lP9AYZKi5pg]

ზედიზედ ჩატარებული მოუგებელი მატჩების შემდეგ, “დორტმუნდი” გერმანიის ჩემპიონატში მე-6 ადგილზეა. 12 ტურის შემდეგ, ბუნდესლიგას მიონხენგლადბახის “ბორუსია” ლიდერობს.