მესი და სუარესი დაბრუნდნენ [ვიდეო]

სანაკრებო პაუზის შემდეგ, “ბარსელონას” ლიდერები დაუბრუნდნენ – დღეს, “სიუტატ ესპორტივაზე”, ლუის სუარესმა და ლიონელ მესიმ ივარჯიშეს. 

სუარესმა ურუგვაის ნაკრებთან ერთად უნგრეთთან ამხანაგურ შეხვედრაში (2-1) მიიღო მონაწილეობა, მესიმ კი არგენტინასთან ერთად ბრაზილიასთან მატჩის ერთადერთი გოლი გაიტანა. ამის შემდეგ, ურუგვაი და არგენტინა ერთმანეთს დაუპირისპირდნენ (2-2), ამ მატჩში კი გატანა და ასისტის შესრულება ორივემ მოახერხა. 

“ბარსელონა” თავის მორიგ მატჩს 23 ნოემბერს გამართავს. ერნესტო ვალვერდეს გუნდის მეტოქე ლა ლიგის აუტსაიდერი “ლეგანესი” იქნება.