“ბარსელონას” ანტირეკორდების სერია

სულ რაღაც 18 თვის წინ, “ბარსელონა” დაცვის სიძლიერის კუთხით ევროპაში საუკეთესოდ მიიჩნეოდა. 

ახლა, იგივეს ნამდვილად ვერ ვიტყვით. 

წინა სეზონის განმავლობაში კატალონიურ გუნდს სულ 3 წაგება დაუგროვდა, სეზონის დაწყების შემდეგ კი გუნდს 3 მატჩი უკვე აქვს წაგებული. 

სახარბიელო არც ის შედეგია, რომ ევროპის წამყვან ჩემპიონატებში, “ბარსაზე” ნაკლები გოლი 35-მა გუნდმა გაუშვა – “ბარსელონას” საშუალო მაჩვენებელი გუნდის წინა წლების მონაცემებს ბევრად აღემატება. მაგალითად, 2010/11 და 2014/15 წლების სეზონებში გაშვებული გოლები (ორივე 0,55) რომ შეგვეკრიბა, ახლანდელ მონაცემს (1,27) მაინც ვერ გადააჭარბებდა. 

ერნესტო ვალვერდეს გუნდის დაცვის ხაზის პრობლემებზე ისიც მეტყველებს, რომ ჟერარ პიკეს უკვე 9 ბარათი აქვს მიღებული, ჟორდი ალბას პირდაპირი შემცვლელი ჟუნიორ ფირპო კი თავისი შესაძლებლობების დამტკიცებას ვარჯიშის დროსაც ვერ ახერხებს. 

Marca-ს მიერ გამოქვეყნებული სტატისტიკური მონაცემების მიხედვით, მიმდინარე სეზონის “ბარსელონას” წინა სეზონებზე უარესი მაჩვენებელი არაერთ კრიტერიუმში აქვს. გაშვებულ გოლებთან ერთად, მათ შორისაა გაფრთხილებების რაოდენობა, არაზუსტი პასები, მიღებული კონტრშეტევები და ა. შ.