“დორტმუნდის” დირექტორი ვაცკე: მესის არ გვეშინია, ჩვენ პაკო გვყავს

ლანჩის შემდეგ, რომელიც “ბარსელონასა” და “დორტმუნდის” დელეგაციას შორის გაიმართა, ბორუსიელების გენერალურმა დირექტორმა, ჰანს-იოახიმ ვაცკემ დღევანდელი მატჩის შესახებ საკუთარ მოლოდინზე კომენტარი გააკეთა.

“ჩვენ მესის არ გვეშინია,” – ვაცკეს სიტყვბებს Mundo Deportivo ციტირებს.

“არ ვიცი, ცუდია თუ კარგი მის წინააღმდეგ თამაში. ტრავმის შემდეგ ის სათანადო კონდიციებში ჯერ ვერ იქნება, შესაბამისად ჯერ კიდევ უცნობია, ითამაშებს თუ არა ჩვენთან.”

60 წლის დირექტორი იმედოვნებს, რომ პაკო ალკასერი “დორტმუნდისთვის” მთავარი დამრტყმელი ძალა იქნება.

“ვიმედოვნებ, რომ პაკო ალკასერი, რომელიც ყველა თამაშში იტანს გოლს, დღესაც ამას გააკეთებს.”