ჩემპიონთა ლიგა ბრუნდება

ჩემპიონთა ლიგის 2019/20 წლების სეზონი, “ბარსელონასთვის”, ოფიციალურად დღეს გაიხსნება.
მეტოქე: ” დორტმუნდის “ბორუსია”

სტადიონი: “სიგნალ იდუნა პარკი”

ყოფილი “ბარსელონელი” შემადგენლობაში: პაკო ალკასერი

ბოლო შეხვედრა

“ბარსელონა” და “ბორუსია” ერთმანეთს ოფიციალურად ბოლოს 22 წლის წინ დაუპირისპირდნენ. 1997 წლის 8 იანვარს უეფას სუპერ თასის ფინალის პირველ შეხვედრაში “ბლაუგრანამ” ლუის ენრიკესა და რივალდოს გოლების წყალობით 2:0 იმარჯვა. განმეორებითი თამაში კი 1:1 დასრულდა.

საინტერესო სტატისტიკა

“ბარსელონას” ჩემპიონთა ლიგის ჯგუფური ეტაპის ბოლო 14 შეხვედრაში არ წაუგია (10 მოგება. 4 ფრე), ხოლო ტურნირის ამ ეტაპზე გამართულ ბოლო 28 შეხვედრაში ერთადერთი მარცხი იწვნია “მანჩესტერ სიტისთან” 2016 წლის ნოემბერში (1:3).

საინტერესოა, რომ “ბორუსიამ” ჩემპიონთა ლიგის ბოლო 8 საშინაო შეხვედრიდან მხოლოდ 2 მოიგო. (2 მარცხი, 4 წაგება).

ყოფილ “ბარსელონელ” პაკო ალკასერს ამ სეზონში 5 გოლი აქვს გატანილი, რაც რობერტ ლევანდოვსკის შემდეგ (7) საუკეთესო მაჩვენებელია.

აღსანიშნავია, რომ ორივე კლუბი თავიანთ ჩემპიონატებში საუკეთესო გამტანები არიან. “ბარსელონას” ლა ლიგაში 12 გოლი აქვს გატანილი, “ბორუსიას” კი, ბუნდესლიგაში 13.