“ბარსელონას” აღზრდილი ესპანელი ნახევარმცველი, სერხიო გომესი, რომელიც ახლა “დორტმუნდის” წევრია და იჯარით “უესკაში” თამაშობს, თავის ყოფილ გუნდზე და ახლანდელ მდგომარეობაზე საუბრობს.
“ბორუსიამ” შესანიშნავი სპორტული პროექტი შემომთავაზა და კლუბი ამიტომ დავტოვე. “ბარსელონაში” კარგად მექცეოდნენ და პრეტენზიები არ მაქვს, გადაწყვეტილება ჩემს ოჯახთან ერთად მივიღე.
არ ვიცი, ახლა “ბარსას” კარი დახურულია თუ არა. ნამდვილად არ ვიცი, რა მოხდება მომავალში, ახლა კი კონცენტრირებული “უესკაზე” ვარ და მინდა, რომ კარგი სეზონი მქონდეს, შემდეგ კი დორტმუნდში დავბრუნდები.
ბევრი ახალგაზრდა კარიერის გასაგრძელებლად პრემიერ ლიგას ირჩევს, მაგრამ გერმანული ფეხბურთი იზრდება და იქ ახალგაზრდებს განსაკუთრებული შესაძლებლობები აქვთ. ხუან მირანდა და მატეუც ამიტომ გადავიდნენ ბუნდესლიგაში.
“დორტმუნდი”-“ბარსელონას” შეხვედრას მოუთმენლად ველი. დიდი ხანია, “ბარსა” იქ არ ჩასულა და სტადიონზე უამრავი გულშემატკივარი შეიკრიბება, რომლებიც მხარს თავიანთ გუნდს დაუჭერენ. “ბარსელონასთვის” რთული მატჩი იქნება”. – ციტირებს გომესის სიტყვებს Sport.
სერხიო გომესი “ბარსას” წევრი 2010-18 წლებში იყო. ბოლო სეზონი “ბარსა ბ”-ს რიგებში გაატარა, შემდეგ კი “ბორუსიას” რიგებს შეუერთდა.
Milanshia
მანდ არ წავიდა ვითომ მომავალი მესი ჰალილოვიჩი, მკვდარია თუ ცოცხალი არავინ რო არ იცის ისე გაქრა შარშანდელი თოვლივით, ხალხი რა დონეზე აქებდა და ადიდებდა და მე კი ვიძახდი რო ერთი ჩვეულევრივი რაფინია იქნებოდა
კაი რო ყოფილიყავი დაგიტოვებდნენ ასე რო ნუ დაბრუნდები არაფერი დაგვაკლდება მაგით