ბუსკეტსი: სტერლინგის მესისთან შედარება გაზვიადებულია

“ბარსელონას” ნახევარმცველს სერხიო ბუსკეტსს არ სჯერა, რომ რაჰიმ სტერლინგი და ლიონელ მესი ერთ დონეზე არიან.

გასული წლის განმავლობაში “მანჩესტერ სიტის” შემტევი კარგ ფორმაში იყო, როგორც კლუბისთვის, ისე ქვეყნისთვის.

მიუხედავად ამისა, ბუსკეტსი მაინც ფიქრობს, რომ სტერლინგს ჯერ კიდევ არ გაუკეთებია იმდენი, რამდენიც “ბარსელონას” ვარსკვლავმა გააკეთა და ასეთი სახის შედარება ფეხბურთელზე ნეგატიურ ეფექტს იქონიებს.

“შეხედეთ, რაჰიმ სტერლინგი არის ფეხბურთელი კარგი პროფილით და დიდი პოტენციალით, მაგრამ მისი მესისთან შედარება გაზვიადებულია და ნეგატიურ ეფექტს იქონიებს ფეხბურთელზე,” – ციტირებს ბუსკეტსს The Mirror.

“სიმართლე ის არის, რომ ორივე საკუთარ კლუბში ძალიან დიდ როლს თამაშობს. ის კარგი მოთამაშეა და ასევე დიდი გავლენის მოხდება შეუძლია ინგლისის ნაკრებისთვის.”