“ბარსელონა” ტოკიოს ჰანედას საერთაშორისო აეროპორტში უკვე ჩაფრინდა. კატალონიელებს ადგილზე იაპონელი ფანები დახვდათ, რომლებიც ფოტოების გადაღებასა და ავტოგრაფების აღებას ცდილობდნენ.
“ბარსელონა” ერთი კვირის განმავლობაში რაკუტენის თასზე იასპარეზებს და ტურნირის ფარგლებში “ვისელ კობესა” და “ჩელსის” დაუპირისპირდება.
ვალვერდეს მიერ გაწვრთნილი გუნდი პირველ შეხვედრას სამშაბათს ლონდონური კლუბის წინააღმდეგ ითამაშებს. ორშაბათს კი წინასამატჩო ვარჯიშს ჩაატარებს. 27 ივლისს “ბლაუგრანა” დაუპირისპირდება “ვისელ კობეს”, რომელშიც ანდრეს ინიესტა, დავიდ ვილა და სერჟი სამპერი ასპარეზობენ.
რაკუტენის თასი იმითაცაა საინტერესო, რომ პირველად ვნახავთ კატალონიელთა რიგებში მოასპარეზე ფრენკ დე იონგსა და ანტუან გრიზმანს. ასევე, ჰიროკი აბესაც. “ბარსელონას” განაცხადს კოპა ამერიკის ტურნირის გამო სამხრეთ ამერიკელები – ლიონელ მესი, ლუის სუარესი, არტურო ვიდალი, კოუტინიო და არტური დააკლდებიან.
აკი აგვისტოში ითამაშებენო?
აბა ჰე წარმატებები ლომებო (რაკიტიჩი არ იგულისხმება)
მგონი გვარდის ისკო მიყავს სიტიში.
ვიდეოს უყურეთ ხალხი ნეიმარსა ყვირის
წარმატებები და ინი მომიკითხეთ :დ <3