ერნესტო ვალვერდე: ყველაფრის მოგება გვინდა

“ბარსელონას” მთავარმა მწვრთნელმა, ერნესტო ვალვერდემ მომავალ სეზონზე ისაუბრა.

“ახალი სეზონის დაწყება გვიხარია. წინ ბევრი გამოწვევა გველის. ვიცით, რომ აქ ყველაფრის მოგების და ფანების გახარების მოთხოვნა არის.”

“მიზანი ყოველთვის ერთია – ყველა მატჩის მოგება. გვინდა, რომ ყველა ტურნირის მოგება ვცადოთ და ეს ჩვენს სტილში უნდა გავაკეთოთ. იმედი გვაქვს, რომ მოლოდინს გავამართლებთ.”

ერნესტომ გუნდის ახალწვეულებზეც (გრიზმანი, ნეტუ, დე იონგი) ისაუბრა: “ჩვენ ამ სამი შენაძენისგან ბევრს ველით. იმედი გვაქვს, რომ ისინი გუნდს მალე შეეწყობიან.”

“დე იონგი გასულ სეზონში უმაღლეს დონეზე თამაშობდა. იმედია, ის მოედნის ცენტრში რაღაც ახალს შეგვმატებს. ფრენკი მომავლის პროექტია, მრავალ წელიწადზე გათვლილი. ის ჩვენს სტილში თამაშობს.”

“გრიზმანი დე იონგისგან განსხვავდება, რადგან მას ამ ლიგაში თამაშის გამოცდილება აქვს. ის სწრაფია და თავისუფალ სივრცეებს ითვისებს, ასევე შეუძლია შეტევის დასრულება. ვიცით, რამდენი დაგვიჯდა ანტუანის შეძენა, ისიც ვიცით, თუ რამდენ რამეს შეგვმატებს ის. გრიზმანზე იმედებს ვამყარებთ. ის ახალგაზრდაა, მაგრამ ამავე დროს, გამოცდილებაც აქვს, ამიტომ მისგან შესაბამის თამაშის დონეს ახლავე ვითხოვთ.”

“ნეტუ გამოცდილი მეკარეა. ის ტერ შტეგენისთვის იდეალური კონკურენტი იქნება, სანამ ინიაკი პენია პირველ გუნდში დაწინაურდება.” – ციტირებს ერნესტო ვალვერდეს სიტყვებს Mundo Deportivo.