“ბარსელონამ” და “პანათინაიკოსმა” ბერძნულ კლუბში ინიაკი პენიას ტრანსფერზე შეთანხმებას მიაღწიეს. კატალონიურმა კლუბმა ოფიციალური განცხადება რამდენიმე წუთის წინ გააკეთა.
27 წლის ინიაკი პენია “ბარსელონას” ახალგაზრდულ სისტემას 2012 წელს “ვილიარეალიდან” შეუერთდა. მან “ლა მასიაში” ყველა ასაკობრივი კატეგორია გაიარა, სანამ 2023 წლის იანვარში პირველ გუნდში სადებიუტო მატჩს ჩაატარებდა. კლუბში ყოფნის პერიოდში, გამოცდილების მისაღებად, მეკარემ გარკვეული დრო იჯარით გაატარა: 2021/22 წლების სეზონში “გალათასარაიში”, ხოლო გასულ სეზონში – “ელჩეში”.
“ბარსელონა” საჯაროდ მადლობას უხდის ინიაკი პენიას კლუბში ყოფნისას გამოჩენილი ერთგულების, პროფესიონალიზმისა და თავდადებისთვის და პროფესიონალური კარიერის შემდგომ ეტაპზე საუკეთესოს უსურვებს.
გავრცელებული არაოფიციალური ცნობებით “ბარსა” პენიას ტრანსფერიდან დაახლოებით 3 მილიონ ევროს მიიღებს.
კომენტარები (0)