ანტუან გრიზმანი ხელფასის შემცირებას არ დათანხმებულა

რამდენიმე კვირის წინ, გავრცელდა ინფორმაცია, რომლის თანახმადაც, ანტუან გრიზმანი “ბარსელონაში” გადასასვლელად ხელფასის შემცირებას დასთანხმდა, მაგრამ დღეს, Marca-მ ეს ყველაფერი უარყო.

წყაროს ცნობით, ფრანგი მხოლოდ პირველ ორ სეზონში მიიღებს 18 მილიონ ევროს, ხოლო შემდეგ, მისი ხელფასი ნელ-ნელა გაიზრდება – მესამე სეზონი – 21 მილიონი ევრო, მეოთხე სეზონი – 23 მილიონი ევრო, მეხუთე სეზონი – 25 მილიონი ევრო, რაც ჯამში 105 მილიონი ევრო გამოდის. ფრანგი ფეხბურთელი ზუსტად 21 მილიონ ევროს იღებდა “ატლეტიკოშიც” (105/5=21).

შეგახსენებთ, რომ “ბარსელონამ” უკვე შეათანხმა გრიზმანთან 5 წლიანი კონტრაქტის პირობები. ერთ-ერთი ყველაზე სანდო ფრანგული წყაროს, L’Equipe-ს ცნობით, გრიზმანის ტრანსფერი მალე გაოფიციალურდება. მისი პრეზენტაცია 11 ივლისს არის დაგეგმილი.