“ბარსელონას” ყოფილი ფეხბურთელი, ხავიერ სავიოლა მიიჩნევს, რომ “პარი სენ-ჟერმენის” ბრაზილიელი თავდამსხმელი, ნეიმარი, “ბლაუგრანას” რიგებში უნდა დაბრუნდეს.
“ნეიმარი უნდა დაბრუნდეს. ის ძალიან კარგად თამაშობდა “ბარსელონაში”, შესანიშნავად მოქმედებდა მესისთან და სუარესთან. არ ვიცი, შეექმნება თუ არა მას პრობლემები კლუბის ხელმძღვანელობასთან. ნეიმარი მსოფლიოს ერთ-ერთი საუკეთესო ფეხბურთელია. ასეთი მოთამაშეები საჭიროა, რათა “ბარსელონა” საუკეთესოთა რიცხვში დაბრუნდეს.
ვფიქრობ, ჩვენ ნეიმარის გაუმჯობესებულ ვერსიას ვიხილავთ. ახლა ის რთულ სიტუაციაშია და ეს გავლენას ახდენს. მაგრამ როცა პრობლემებს გადაწყვეტს, ის ფეხბურთზე კონცენტრირებას შეძლებს.
და თუ გრიზმანიც გადავა “ბარსელონაში”? ეს მწვრთნელის პრობლემა იქნება: ოთხი დიდი მოთამაშე, ერთი ან ორი მათგანი ყოველთვის არ ითამაშებს. მაგრამ ვფიქრობ, რომ ანტუანს დრო დასჭირდება, რათა მესისთან თამაშზე ადაპტირდეს. სუარესსა და ნეიმარს მასთან ამ კუთხით მცირე უპირატესობა ექნებათ.” – ციტირებს სავიოლას სიტყვებს Sport.es.
უნდა დაბრუნდეს მარა ნამეტანი ძვირს ითხოვენ
მართალია