“ბარსელონას” ახალგზრდა ვარსკვლავებს ახალი სახლი სჭირდებათ

“ბარსელონას” კონტრაქტი აქვს დადებული რამდენიმე ნიჭიერ და ახალგაზრდა ფეხბურთელთან, თუმცა მათი ძირითად კლუბში თამაშის შანსი დაბალია. რიკი პუჩი, ორიოლ ბუსკეტსი, აბელ რუისი და ხუან მირანდა “ბარსელონა ბ”-ს შემადგენლობაში არიან. ვინაიდან, გუნდი არასტაბილურობით გამოირჩევა და ჩემპიონატის წესების გამო ფლე ოფშიც ვერ გადის, ხსენებულ მოთამაშეთა პროგრესს საფრთხე ემუქრება.

ხუან მირანა

ფეხბურთელის საკონტრაქტო ღირებულება 200 მილიონ ევროს შეადგენს. თუმცა მარცხენა მცველის თამაშით ერნესტო ვალვერდე აღფრთოვანებული არ არის, ამიტომ, შესაძლოა, მირანდა “რეალ ბეტისში” ვიხილოთ.

ორიოლ ბუსკეტსი

მას ნამდვილად აქვს “ბარსელონას” დნმ, თუმცა გუნდში ნახევარცმველების მაღალი კონკურენციაა, ამიტომ შანსი ძირითად გუნდში მოხვედრისა თითქმის არ ეძლევა. ეს კი ზრდის მისი სხვა კლუბში ტრანსფერის ალბათობას.

რიკი პუჩი

რიკი პუჩმა მალევე მოიპოვა ხალხის აღფრთოვანება და სიყვარული, თუმცა მასაც, ბუსკეტსის მსგავსად, დიდი კონკურენციაშუ უწევს ჩაბმა. ამას ემატება ტრანსფერები “აიაქსიდან”. ასე რომ, მისი შანსები ძალიან მცირეა.

აბელ რუისი

ტრავმამ შეაფერხა მისი პროგრესი მოედანზე. ფილიპე კოუტინიოსა და მალკომის გაურკვეველი მდგომარეობა შანსს აძლევს რუისს ძირითად შემადგენლობაში ითამაშოს, თუმცა მისი მომავალი დიდადაა დამოკიდებული ლუკა იოვიჩის ტრანსფერზე.