“ბარსელონამ” ზამთრის სატრანსფერო ფანჯრის პერიოდში, შესაძლოა, კიდევ ერთი ცენტრალური მცველი დაიმატოს. ამის მიზეზი სამუელ უმტიტისა და ტომას ვერმალენის ტრავმებია.
Le 10 Sport-ის ინფორმაციით, მიუხედავად იმისა, რომ კატალონიელებმა დაცვის ცენტრი ხეისონ მურილიოთი უკვე გააძლიერეს, ისინი სატრანსფერო ბაზარზე აქტიურობას ისევ განაგრძობენ. “ბარსელონას” რადარზე 2 უკანახაზელი იმყოფება – როდრიგო კაიო (“ფლამენგო”) და ჟან-კლერ ტოდიბო (“ტულუზი”).
დღეისათვის ერნესტო ვალვერდეს, უმტიტისა და ვერმალენის ტრავმების გამო, განკარგულებაში 3 ცენტრალური მცველი ჰყავს – ჟერარ პიკე, კლემან ლანგლე და ხეისონ მურილიო.
