FourFourTwo: ბოდიში გვარდიოლას… მესი საუკეთესოა

“მოდით, დავიწყოთ ბოდიშით. საუბარი გვაქვს იმაზე, რასაც პეპ გვარდიოლა ყველაზე მეტად ვერ იტანს. მან თქვა: “ნუ შეეცდებით, დაწეროთ მასზე, არ სცადოთ აღწეროთ ის. უბრალოდ, უყურეთ მას.” არ გვინდა, პეპი გავაღიზიანოთ, მაგრამ…” – ასე იწყებს FourFourTwo სტატიას, რომელიც ლიონელ მესის ეძღვნება.

პეპ გვარდიოლასა FourFourTwo-ს შორის არჩევანს “ბარსელონას” ლეგენდის სასარგებლოდ გავაკეთებთ და არ მოგიყვებთ რატომ (ვფიქრობთ, არცაა საჭირო), მხოლოდ იმას გეტყვით, რომ ავტორიტეტულმა გამოცემამ 2018 წლის საუკეთესო ფეხბურთელად ლეო მესი დაასახელა.

მე-2 ადგილზე კრიშტიანუ რონალდუ გავიდა, მესამეზე კი – კილიან მბაპე.

FourFourTwo-მ წლის 100 საუკეთესო ფეხბურთელი დაასახელა, რომელშიც, მესის გარდა, “ბარსელონას” სხვა მოთამაშეებიც მოხვდნენ: ლუის სუარესი (მე-15 ადგილი), მარკ-ანდრე ტერ შტეგენი (20), ჟორდი ალბა (22), ფილიპე კოუტინიო (26), ივან რაკიტიჩი (38), სერხიო ბუსკეტსი (51), ჟერარ პიკე (75).