წარუმატებელი სამედიცინო შემოწმება, რომელმაც “ბარსელონას” ბრაზილიელი მცველის ნაცვლად მურილიოს დამატება გადააწყვეტინა

Globoesporte-ზე დაყრდნობით, ესპანური Marca საინტერესო ინფორმაციას ავრცელებს. 

ცენტრალური მცველების ტრავმების გამო, “ბარსელონამ” ხეისონ მურილიო დაიმატა, თუმცა, დიდი შანსი იყო, კოლუმბიელის ნაცვლად “ბარსას” მაისურით გუშინ სხვა ახალწვეული გვეხილა. 

ბრაზილიური “სან პაულოს” 25 წლის მცველმა, როდრიგო კაიომ სამშობლოში კატალონიელი ექიმის მიერ სამედიცინო შემოწმება გაიარა, მაგრამ მისი ფიზიკური მდგომარეობა დამაკმაყოფილებლად არ ჩაითვალა. ასე რომ, “ბარსელონამ” კაიოზე უარი თქვა და სანაცვლოდ “ვალენსიადან” მურილიო გადაიბირა, რომელიც კლუბში იჯარით 6 თვეს გაატარებს.