“ბარსელონას” 19-წლამდელთა გუნდი ქულებს კარგავს და ლიდერობას ინარჩუნებს [VIDEO]

სანამ “ტოტენჰემი” და “ბარსელონა” ერთმანეთს ჩემპიონთა ლიგაზე დაუპირისპირდებიან, მათმა 19-წლამდელთა გუნდებმა UEFA-ს ახალგაზრდულ ლიგაზე ითამაშეს.

ტურნირის მოქმედი ჩემპიონი “ბარსელონა” ლონდონს ჯგუფის ლიდერის სტატუსით ეწვია და ქულების დაკარგვის მიუხედავად, პირველობა შეინარჩუნა.

დენის პუჩის შეგირდები, “ტოტენჰემის” საწვრთნელ ბაზაზე გამართულ მატჩში, ხუან როხას გოლით დაწინაურდნენ, მაგრამ “დეზებმა” პირველივე ტაიმში გაათანაბრეს და ორ ტურში მეორე ქულა მოიპოვეს.

2 თამაშის შემდეგ, 4 ქულით, ჯგუფს “ბარსა” ლიდერობს. 3 ქულით მეორე ადგილზე პსვ არის, რომელმაც მე-2 ტურში “ინტერი” დაამარცხა.

ტოტენჰემი-ბარსელონა 1:1

ბარსელონა (4-3-3): ტენიას ურენია, ხაიმე, როხას კასტილია, კომას ფეიშასი (სოლა 76), მარტინესი, დე ვეგა ლიმა (კანტონი 70), სანს კატალანი (გომსალესი 59), კოლიადო, დე ლა ფუენტე, რუისი, მორტიმერ მორენო (ფატი 70)

გოლები: 0:1 როხასი 24, 1:1 რიჩარდსი 45