“ბარსას” ყველა გოლი უემბლიზე [VIDEO]

ოთხშაბათს, 3 ოქტომბერს, ჩემპიონთა ლიგის მეორე ტურის მატჩში, “ბარსელონა” ლონდონის “ტოტენჰემს” “უემბლიზე” დაუპირისპირდება.

ამ არენასთან კატალონიურ გუნდს არაერთი კარგი მოგონება აკავშირებს. “ბარსელონას” ჩემპიონთა ლიგა “უემბლიზე” 2-ჯერ აქვს მოგებული. ესპანელების მიერ ამ სტადიონზე გატანილი 8 გოლიდან 4 სწორედ ჩემპიონთა ლიგის ფინალებზე მოდის.

1992 წელს, “ბარსამ” ჩემპიონთა თასი ისტორიაში პირველად მოიგო. ფინალში კატალონიელები “სამპდორიას” “უემბლიზე” დაუპირისპირდნენ. შეხვედრის ერთადერთი გოლი, დამატებით ტაიმში, რონალდ კუმანმა გაიტანა.

შემდეგ იყო “არსენალის” კარში გატანილი 4 გოლი, რომელთა ავტორებიც რივალდო, ლუის ენრიკე, ლუიშ ფიგუ და ფილიპ კოკუ იყვნენ.

2011 წელს, ჩემპიონთა ლიგის ფინალში, კვლავ “უემბლიზე”, პედრო როდრიგესის, ლიონელ მესისა და დავიდ ვილიას გოლებით, “ბარსელონამ” “მანჩესტერ იუნაიტედი” 3:1 დაამარცხა.