“ბარსელონამ” სილესენის შეცვლის 4 კანდიდატი დაასახელა

“ბარსელონა” იმ შემთხვევისთვის ემზადება, თუ გუნდის ჰოლანდიელი მეკარე იასპერ სილესენი, ზაფხულში, კლუბში დატოვებს.

ცნობილია, რომ “ბარსელონას” სათადარიგო კიპერით “ლივერპული”, “ჩელსი” და “არსენალი” არიან დაინტერესებულნი. ისიც ცნობილია, რომ “ბარსას” 29 წლის ჰოლანდიელთან განშორება არ სურს. თუმცა, იმის გათვალისწინებით, რომ უახლოეს სატრანსფერო ფანჯარას კატალონიელები ამბიციური გეგმებით ხვდებიან, მათ თანხის ტრანსფერებიდან გამომუშავებაც მოუწევთ. ასე რომ, არაა გამორიცხული, “ბარსა” სილესენის გაყიდვას დასთანხმდეს.

Mundo Deportivo-ს ცნობით, “ბარსელონას” სილესენის შეცვლის რამდენიმე კანდიდატი უკვე გამოკვეთა. ესენი არიან: ტიმ კრული (“ბრაიტონი”), რუი პატრისიუ (“სპორტინგი”), ხოელ რობლესი (“ევერტონი”), ვისენტე გუაიტა (“ხეტაფე”).