“ბარსელონას” მეკარემ, მარკ-ანდრე ტერ შტეგენმა “ატლეტიკოსთან” მატჩის წინ რამდენიმე შეკითხვას უპასუხა.
– “ატლეტიკოს” რომელი მოთამაშე გიქმნით ყველაზე მეტ პრობლემას?
– ის, ვინც გოლი მატჩის საწყის წუთებზე გამიტანა – ფერნანდო ტორესი. როგორც მახსოვს, ეს სამეფო თასის თამაში იყო.
– დაასახელეთ თქვენი საუკეთესო სეივი პრიმერას მიმდინარე გათამაშებაში.
– საუკეთესო სეივი “ვილიარეალთან” მატჩში გამომივიდა. ჩაწოდების შემდეგ, ჩემგან მარცხენა კუთხეში წამოსული დარტყმა მოვიგერიე, რომლის შემსრულებელს ვერ ვიხსენებ.
– ვინ იყო თქვენი ბავშვობის გმირი?
– როცა თამაში დავიწყე და სხვა პოზიცია მეჭირა, მარსელ კეტელერი მომწონდა “მიონხენგლადბახიდან”. შემდეგ ის “ჰამბურგში” გადავიდა და მე მეკარე გავხდი. ახალი მისაბაძი მაგალითი გამოჩნდა – ოლივერ კანი. საქმე უფრო მეტად მის მოტივაციაშია და არა სათამაშო მანერაში.
– რომელ პოზიციაზე ითამაშებდით მეკარე რომ არ ყოფილიყავით?
– ვგონებ, ნახევარდაცვაში თამაში უფრო მომეწონებოდა, ვიდრე თავდასხმაში. როცა ფორვარდი ხარ, ყოველთვის უნდა გაიტანო და დიდ ზეწოლას გრძნობ.
– რა არის იან ობლაკის ძლიერი მხარე?
– ის ნებისმიერ სიტუაციას კარგად უმკლავდება და გუნდს საიმედოობას მატებს. ობლაკი ყოველთვის აკეთებს სეივებს. იანი კარგი მეკარეა.
შეგახსენებთ, რომ “ბარსელონა”-“ატლეტიკოს” მატჩი ხვალ, 19:15 საათზე გაიმართება.
ატლეტიკომ უნდა მოიგოს წელს ლალიგა
არა მგონია ოცნებები აგიხდეს ძმა
წარმატებები ატლეტიკოს ინდა მოუგოს ბარსელონას
ატლეტიკომ უნდა მოიგოს წელს ლალიგა