ფრანკ დე ბური: “ბარსელონა” და არგენტინა მესიზე არიან დამოკიდებულნი

“ბარსელონას” ყოფილი ჰოლანდიელი მცველი ფრანკ დე ბური კატალონიურ კლუბზე და არგენტინის ნაკრებში ლიონელ მესის როლზე საუბრობს.

“გასული წლის ბოლო “ელ კლასიკოს” დავესწარი. გამიხარდა, როდესაც “ბარსელონამ” მოიგო – მე ხომ ამ გუნდის გულშემატკივარი ვარ. აქ 5 წლის განმავლობაში ვთამაშობდი. გასულ წელს ჩვეული “ბარსა” ვერ ვიხილეთ. ვალვერდე უბრალო ადამიანია, ფეხბურთელებს მისი მარტივად ესმით. ერნესტომ მხოლოდ დეტალები შეცვალა. ის მიხვდა, რომ 4-3-3 სისტემით თამაში ნაკლებად შესაძლებელი იყო: გუნდში ნეიმარი აღარაა. დღეს “ბარსა”, როგორც წესი, 4-4-2 სისტემით თამაშობს, წინ კი მესი და სუარესი არიან.”

“არგენტინის ნაკრები მესიზეა დამოკიდებული, მაგრამ ეს პრობლემა არაა: “ბარსელონაშიც” ასეთი სიტუაციაა. არგენტინის ნაკრებში ბევრი ფეხბურთელია, რომლებიც პოტენციურად “ბარსელონას” მოთამაშეებზე ძლიერები არიან. ხორხე სამპაოლის საქმე ფეხბურთელების პოზიციებზე სწორად განაწილება და მესისთვის თავისუფალი როლის მინიჭებაა. ვფიქრობ, არგენტინა შეძლებს “ბარსასავით” ითამაშოს: მესის შეუძლია სიტუაციასთან ადაპტაცია გაიაროს. იმედი მაქვს, ლეო თავის პირველ მსოფლიო ჩემპიონატს მოიგებს. მეტი შანსი მას, შესაძლოა, აღარც მიეცეს და არგენტინაში ეს ყველას ესმის. ახლა ის შესანიშნავ ფორმაშია, მაგრამ როგორში იქნება 34 წის ასაკში?” – აცხადებს დე ბური Sport Express-ისთვის მიცემულ ინტერვიუში.