რამდენ მატჩში იუქმებს უსმან დემბელე?

“ბარსელონას” ფრანგმა ფორვარდმა, უსმან დემბელემ კიდევ ერთი ტრავმა მიიღო. 3 თვე-ნახევრიანი ტრავმის მოშუშების შემდეგ, კლუბის ოფიციალურმა ვებ-გვერდმა დღეს გვამცნო, რომ 20 წლის ფეხბურთელი 3-4 კვირას იუქმებს.

დემბელეს აღდგენითი პროცესი უკვე დაიწყო. ფეხბურთელმა გუშინ “რეალ სოსიედადის” წინააღმდეგ გამართულ გასვლით შეხვედრაში დაახლოებით ნახევარი საათიც ითამაშა.

“ხეტაფესთან” მიღებული ტრავმის შემდეგ, დემბელეს თავისი შესაძლებლობების დამტკიცების შანსები დიდად არ მისცემია, ახლა კი კვლავ მოედანზე დასაბრუნებლად შრომა მოუწევს. ამჯერად, კლუბის სამედიცინო დასკვნის თანახმად, დაზიანება 1 თვეზე მეტს არ წაართმევს. წესით და რიგით, დემბელე 20 თებერვალს “ჩელსისთან” სტუმრად გასამართ შეხვედრაში ვალვერდეს განკარგულებაში იქნება.

დაზუსტებით ვიცით, რომ დემბელე შემდეგ მატჩებს გამოტოვებს:

• 17/1/2018: “ესპანიოლი”-“ბარსელონა” (კოპა დელ რეი)
• 21/1/2018: “ბეტისი”-“ბარსელონა” (ლა ლიგა)
• 25/1/2018: “ბარსელონა”-“ესპანიოლი” (კოპა დელ რეი, განმეორებითი შეხვედრა)
• 28/1/2018: “ბარსელონა”-“ალავესი” (ლა ლიგა)
• 31/1/2018: კოპა დელ რეის ნახევარფინალური ეტაპის პირველი შეხვედრა
• 04/2/2018: “ესპანიოლი”-“ბარსელონა” (ლა ლიგა)
• 07/2/2018: კოპა დელ რეის ნახევარფინალური ეტაპის განმეორებითი შეხვედრა

რაც შეეხება 11 იანვარს “ხეტაფესთან” და 18 იანვარს “ეიბართან გასამართ მაჩებს, დემბელეს არ ყოფნა ლა ლიგის ამ 2 შეხვედრაში გადაწყვეტილი არაა და შესაძლოა ფრანგმა რომელიმე შეხვედრაში მონაწილეობა მიიღოს.