უკვე საკმაოდ დიდი ხანია, “ბარსელონა” “რეალ ბეტისის” ახალგაზრდა ნახევარმცველით, ფაბიან რუისითაა დაინტერესებული. კატალონიელები მას სარეზერვო გუნდში თამაშის კანდიდატად მოიაზრებენ, თუმცა, მისი შესაძლებლობების გათვალისწინებით, რუისს პირველ გუნდში დაწინაურების იმედიც თავისუფლად შეიძლება, ჰქონდეს.
სევილიელები ფეხბურთელს 12-15 მილიონ ევროდ აფასებენ, მაგრამ მისი “ბარსაში” გაშვება არ სურთ. ფაბიანისთვის “ბეტისი” ახალ კონტრაქტს ამზადებს, რომელშიც მისი გამოსასყიდი თანხის რაოდენობა ბევრად უფრო მაღალი იქნება. 21 წლის ნახევარმცველს, რომელიც ბევრი სხვა მონაცემის გარდა სიმაღლითაც გამოირჩევა (190 სმ), დიდ მომავალს უწინასწარმეტყველებენ.
ბიჭებო იერი მინას მთავარი პლიუსი არის თავით თამაში, რაც ბარსაში ძალიან გვაკლია.
რა ფაბიანი რა ნახევარმცველი :დ გაიკოტრებენ ესნეი თავს :დ