ჰარი კეინი ჰეთ-ტრიკის წყალობით მესის წამოეწია

ინგლისის ჩემპიონატის მე-19 ტურის მატჩში, “ტოტენჰემის” ლიდერმა, ჰარი კეინმა “ბარნლის” წინააღმდეგ ჰეთ-ტრიკი გაიფორმა.

შესანიშნავი თამაშის წყალობით, ინგლისელი ფორვარდი პრემიერ ლიგის ბომბარდირთა დავაში მოჰამედ სალაჰს წამოეწია (15 გოლი).

აღსანიშნავია, რომ ევროპის TOP 5 ჩემპიონატში ყველაზე მეტი გოლი ლიონელ მესის აქვს – 54. ჰარი კეინის ანგარიშზე 53 შედეგიანი დარტყმაა, თუმცა ინგლისელს 1 მატჩი აქვს თადარიგში, განსხვავებით მესისგან და მას შეუძლია 2017 წლის ევროპის საუკეთესო ბომბარდირი გახდეს.