“ბარსელონა”-“სელტა” – სტატისტიკური პრევიუ

2 დეკემბერს, ლა ლიგის მე-14 ტურში “ბარსელონა” ვიგოს “სელტას” დაუპირისპირდება. წინა ტურში “ვალენსიასთან” დაკარგული 2 ქულის მიუხედავად, კატალონიელები დამაჯერებელ ლიდერობას ინარჩუნებენ. რაც შეეხებათ გალისიელებს, ისინი მე-9 ადგილს იკავებენ და პრიმერა დივიზიონის მიმდინარე სეზონში მათი შედეგების წინასწარ პროგნოზირება საკმაოდ რთულია. წარმოგიდგენთ შეხვედრის სტატისტიკურ პრევიუს.

სავარაუდო შემადგენლობები

დანაკლისი:

ბარსელონა – უსმან დემბელე, რაფინია, ხავიერ მასკერანო, არდა თურანი.

სელტა – ხონი (დისკვალიფიკაცია), სერჟი გომესი (საეჭვო).

სიახლეები:

– “ბარსელონას” ერთმატჩიანი დისკვალიფიკაციის შემდეგ დაუბრუნდა ჟერარ პიკე, რომელიც, სავარაუდოდ, ძირითად შემადგენლობაში ითამაშებს;

– ტრავმა მოიშუშა სერჟი რობერტომაც და ის მოედანზე გასასვლელად მზადაა;

– ისევე როგორც ორი მატჩის წინ პიკემ, “სელტას” მცველმა, ხონიმ, წინა შეხვედრაში მე-5 ყვითელი ბარათი მიიღო და ის ამ მატჩს გამოტოვებს, მისი სრულფასოვანი შემცვლელი კი გალისიელებს არ ჰყავთ.

ფაქტები:

– “ბარსელონას” ბოლო 18 საშინაო თამაში მოგებული აქვს;

– ბოლო 18 საშინაო მატჩში “ბარსას” მინიმუმ 2 გოლი აქვს გატანილი;

– 18-დან 16 მატჩში საშუალოდ 2.5-ზე მეტი გოლია გასული, ისევე როგორც “სელტას” უკანასკნელ 11 გასვლით შეხვედრაში;

– “კამპ ნოუზე” ჩატარებული ბოლო 7 თამაშიდან “ბარსელონამ” “სელტას” 6 მოუგო;

– სტუმრად ჩატარებული უკანასკნელი 9-დან 8 თამაშში “სელტამ” მინუმუმ 2 გოლი გაუშვა.

შეგახსენებთ, რომ მატჩი კვირას, თბილისის დროით 16 საათზე დაიწყება.